Serenada a Castel Toblin

Ride la luna ciara
sora Castel Toblin;
mi ‘ncordo la chitara,
ti ‘ncorda ‘l mandolin
e nente ‘n barca.

Dal vento senza remo,
ne lasserem portar
e allegri canteremo
fazendo risonar
la Val del Sarca.

E quando en mez al lach la melodia
passerà ‘n sol minor
mi te dirò le pene del me cor
e ti te me dirai che te sei mia.

Tornadi su la riva,
felize te ofrirò
en ramoscel de oliva
e po' te baserò la boca bela.

E taserem; ma alora
en coro de ciciòi
saluderà quell’ora
e passerà su noi
l’ultima stèla.

E quando al primo sol la melodia
tornerà ‘n mi magior,
ti, con la testa bionda sul me cor,
te me farai sentir che te sei mia.