Il colonnello fa l’adunata
negli occhi tutti el ne gà vardà
e poi gà dito ai veci alpin
di tener duro n’ha comandà.

I suoi alpini ghe fa risposta:
“Sior colonnello se tegnarà”
e scarpinando sulle montagne
in prima linea i s’à portà.

E per do mesi i à tegnù duro
in mezzo al freddo da far giassar
scoltando sempre le so parole
“sacrificarsi ma non mollar”.

E i suoi alpini ghe manda a dire
che non gli riva né pan né vin.
E il colonnello gli fa risposta:
“Questo l’è niente per i veci alpin”:

E i suoi alpini ghe manda a dire
che no i g’ha scarpe per camminar.
E il colonnello gli fa risposta:
“No serve scarpe per star là”.

E i suoi alpini ghe manda a dire
che dal gran fredo no se pol salvar.
E il colonnello gli fa risposta:
“Con la mitraglia ve podè scaldar”.

E i suoi alpini ghe manda a dire
che adesso manca le munission.
E il colonnello ghi fa risposta:
“Na baioneta vale un canon”.

E i suoi alpini ghe manda a dire
posta da casa no i vede rivar.
E il colonnello gli fa risposta:
“Il re ve manda a saludar”.

E un altro mese ‘sti veci alpini
gà tegnù duro senza mollar.
Ed ogni giorno i greci tacava
senza esser boni mai de passar.

E i suoi alpini ghe manda a dire
che massa pochi i xè restà.
E il colonnello va su da loro:
“Niente paura eccomi qua”:

E la matina s’à levà ‘l sole
e le montagne el gà indorà:
Il colonnello coi veci alpini
tutti i era morti, ma i era là.